هەولێر: ژنێك به كڵاشينكۆف كوژرا
06:39:31/12/2013 |
 وارڤین – هەولێر: ژنێكی 26 ساڵ، لە گەڕەكی ئەندازیارانی شاری هەولێر، لە لایەن برایەكییەوە بە چەكی كلاشینكۆف كوژرا و بەڕێوبەری بەرەنگاربوونەوەی توندوتیژی دژی ژنان لە هەولێر رایدەگەیەنێت بە هۆی كێشەی كۆمەڵایەتییەوە ئەو ژنە كوژراوە. لە لێدوانێكی تایبەت بۆ "وارڤین" بەڕێوبەری بەرەنگاربوونەوەی توندوتیژی دژی ژنان لە هەولێر رائید "ژیلەمۆ عەبدولقادر" رایگەیاند، تاوانی كوشتنی "ب. ك. خ" 23 ساڵ، هەفتەی رابردوو لە گەڕەكی ئەندازیارانی هەولێر روویداوە. گوتیشی: "هۆكاری كوشتنەكەی كێشەی كۆمەڵایەتی بووە و پێشتر ژیانی هاوسەرگیری لەگەڵ ئامۆزای خۆی پێكهێناوە و دواتر لە یەك جیابوونەتەوه". روونیشیكردەوە، بكوژەكە كە برای ئەو ژنەیە، دوای تاوانەكەی رایكردبوو، بەڵام توانراوە دەستگیر بكرێت و باوكیشی دەستگیر كراوە چونكە ئەویش ئاگاداری پیلانی كوشتنەكە بووە. كوشتنی ئەو ژنە بە چەكی كڵاشینكۆف كە لە لایەن حكومەتی هەرێمی كوردستانەوە تا ئێستا هەڵگرتنی قەدەغە نەكراوە لە كاتێكدایە كە سەرۆكی حكومەتی هەرێم "نێچیرڤان بارزانی" چەند هەفتەیەك پێش ئەم تاوانە لە كۆنفرانسی وتارخوێندنەوەی 25ی نۆڤەمبەردا رایگەیاند، رەوشی ژنان لە هەرێم باشتر بووە. ئا: ئەرسەلان رەحمان |
ليست هناك تعليقات:
إرسال تعليق