. : NRT TV :.
NRT – ئه‌نقه‌ره: سه‌رۆكايه‌تى ده‌سته‌ى ئه‌ركانى توركيا رايگه‌ياند، فڕۆكه‌يه‌كى چاودێريى ئێرانى ئاسمانى توركياى به‌زاندووه و ماوه‌ى خوله‌كێك و 20 چركه له ئاسمانى توركيا بووه.
له به‌ياننامه‌يه‌كييدا، ده‌سته‌ى ئه‌ركانى توركيا، ئاماژه‌ى بۆ ئه‌وه كردووه، رووداوه‌كه رۆژى 31ى ئايار / مايۆى 2014 روويداوه و فڕۆكه ئێرانييه‌كه له نزيك ناوچه‌ى "ئيگدير"ى سنووريى به ئاسمانى توركيادا سووڕاوه‌ته‌وه.
به‌ياننامه‌كه ئه‌وه‌شى روونكردووه‌ته‌وه، ده‌ستبه‌جێ سه‌رۆكايه‌تى ئه‌ركان بڕياريداوه، دوو فڕۆكه‌ى ئيف 16ى جه‌نگى راوه‌دووى فڕۆكه ئێرانييه‌كه بنێن و له ئاسمانى توركيا بيكه‌نه ده‌ره‌وه.
به‌زاندنى ئاسمانى توركيا بۆ ماوه‌ى يه‌ك خوله‌ك و 20 چركه له كاتێكدايه، له ماوه‌ى 20 ساڵى رابردوودا، فڕۆكه جه‌نگييه‌كانى ئه‌و وڵاته ئاسمانى عيراق ده‌به‌زێنن و بۆ بۆمبابارانكردنى پێگه‌ى سه‌ربازيى گه‌ريلاكانى پارتى كرێكارانى كوردستان چه‌ندينجار هاتوونه‌ته ئاسمانى قه‌نديل.
ليست هناك تعليقات:
إرسال تعليق