یونسێف: لە سەدا 30 منداڵانی عێراق ناچنە قوتابخانە
04:06:22/09/2013 |
 وارڤین – بەغدا: بەگوێرەی زانیارییەكانی رێكخراوی یونسێفی تایبەت بە منداڵان، رێژەیەكی زۆری منداڵانی عێراق بە تایبەتی كچان لە خوێندن دابڕاوون و بۆ پەیداكردنی بژێوی ژیانیان ناچار بوونە ژیان لەسەر شەقامەكان بەسەر بەرن. دەستگێڕی و سواڵكردن و كاركردنی منداڵان لەسەر شەقامەكانی بەغدا بە یەكێك لە سیماكانی پایتەختی عێراق هەژمار دەكرێت و بە سەدان منداڵی خوار تەمەن 15 ساڵ لە سەر شەقامە گشتییەكان رۆژانە بە فرۆشتنی كێك و بسكیت و ئاوو و كلینكس بژێوی ژیانیان دابین دەكەن و حكومەت تا ئێستا هیچ رێوشوێنێكی بۆ نەهێشتنی ئەو دیاردەیە نەگرتووەتە بەر. لیژنەی ژنان و خێزان و منداڵ لە ئەنجومەنی نوێنەرانی عێراق رایگەیاند، لە رەوشی ئێستای عێراقدا منداڵان زیانمەندی یەكەمن و %20ی قوربانیانی كردەوە تیرۆریستییەكان منداڵن، هەروەها %35ی ئاوارەكان منداڵانن. هەر بە گوێرەی راپۆرتی یونسێف ئەو كارەساتەی رووبەڕووی منداڵان بووەتەوە زۆر گەورەترە لەوەی پێشبینی دەكرێت و ساڵانە لە وەرزی خوێندندا تەنیا %66ی منداڵان پەیوەندی بە فێرگە و قوتابخانەكانەوە دەكەن و %21ی كچانی عێراق بەهۆی توندوتیژییەكانەوە رەوانەی قوتابخانە ناكرێن. لە بارەی رەوشی گشتی منداڵانی عێراقەوە، پێشتر بەرپرسی كۆمەڵەی چاودێریكردنی منداڵی عێراقی "حەسەن جومعە" رایگەیاندبوو، كە زیاتر لە 100 منداڵی عێراقی خوار تەمەن 15 ساڵ رووبەڕووی دەستدرێژی سێكسی بوونەتەوە و بە بەڵگەكە توانراوە ئەو حاڵەتانە تۆمار بكرێن. و: ئه‌رسه‌لان ره‌حمان |
ليست هناك تعليقات:
إرسال تعليق