خەبات: كه‌مێك له‌مه‌و به‌ر ژنێك بە چەك كوژرا
01:38:24/12/2013 |
.jpg) وارڤین – خەبات: نیوەڕۆی ئەمڕۆ لە كاتی گەڕانەوەی بۆ ماڵەوە ژنێك لە لایەن كەسێكەوە كوژرا و كەسێكیش بە سەختی بریندار بوو، كە دەگوترێت هەوڵی خۆكوشتنی داوە. سەرچاوەیەكی نزیك لە تاوانەكە، تایبەت بە وارڤین رایگەیاند، نیوەڕۆی ئەمرۆ لە كاتی گەڕانەوەی بۆ ماڵەوە كەسێك دەستڕێژی گولەی لە ژنە مامۆستایەك كردووە و بەو هۆیەوە دەست بەجێ ئەو مامۆستایە ژیانی لەدەستداوە. وارڤین پەیوەندی كرد بە نووسینگەی بەرەنگاربوونەوەی توندوتیژی خەباتەوە، بەڵام بە پاساوی بەردەست نەبوونی زانیاری ئامادە نەبوون هیچ شتێك لەو بارەیەوە بڵێن. هەر لەو چوارچێوەیەدا، وارڤین پەیوەندیكرد بە بەڕێوبەری پۆلیسی شارۆچكەی خەبات عەمید عەبدولقادر، بەڵام بە پاساوی نەناسینی ئامادەكاری هەواڵەكە، ئامادە نەبوو لێدوان بدات. هەر لەو بارەیەوە سەرچاوەیەكی پۆلیس كە نەیویست ناوی ئاشكرا بكرێت، گوتی: "كەسێك بریندارە و هێشتا نەمردووە و پۆلیس هێشتا نەیتوانیوە گوتەی لێوەربگرێت و وردەكاری ئەو تاوانە نازانرێت تا ئەو كاتەی گوتەی شاهێدحاڵ و بریندارەكەش وەردەگیرێت، چوونكە روون نیە ئایا كەسێكی دیكە تەقەی لێكردوون، یان ئەو بریندارە خۆی تاوانەكەی ئەنجامداوە و دواتر هەوڵی خۆكوشتنی داوە". ئا: ئه‌رسه‌لان ره‌حمان |
ليست هناك تعليقات:
إرسال تعليق