سلێمانی: ژنێك كەوتە ژێر ئۆتۆمبێلی شارەوانی و ژیانی لەدەستدا
10:16:28/12/2013 |
 وارڤین – سلێمانی: ژنێكی تەمەن 60 ساڵ، بەهۆی كەوتنە ژێر ئۆتۆمبێلێكی كۆكردنەوەی زبڵ و خاشاك، لە گەڕەكێكی شاری سلێمانی، ژیانی لەدەستدا. رووداوەكە رۆژی 26ی كانوونی یەكەم – دیسەمبەری 2013، لە گەڕەكی "بەرانان"ی شاری سلێمانی روویداوە و بە گوێرەی لێدوانی شارەوانی سلێمانی، ئەو ژنە ویستوویەتی زبڵ بخاتە ناو ئۆتۆمبێلەكەوە، كەوتووەتە ژێر تایەی دواوەی ئۆتۆمبێلەكەوە و بەو هۆیەوە دەستبەجێ ژیانی لەدەستداوە. بەرپرسی بەشی خزمەتگوزاری لە شارەوانی سلێمانی "رزگار ئەحمەد" بۆ كەناڵەكانی راگەیاندن، رونیكردەوە، دوای ئەوەی خاشاكی ماڵی خۆیانی كردووەتە ناو ئۆتۆمبیلەكەوە، ئەو ژنە ویستویەتی خاشاكی دیكە بكاتە ناو ئۆتۆمبیلەكەوە كە لەدوروبەری ئۆتۆمبیلەكە بووە، لەو كاتەشدا شۆفێرەكە ئاگادار نەبووەو ژنەكە كەوتووەتە ژێر ئۆتۆمبیلەكەوە و بەو هۆیەوە ژیانی لەدەستداوە. ئا: ئەرسەلان رەحمان |
ليست هناك تعليقات:
إرسال تعليق