ماریا هه‌ورامى كەتانەو كەتانە بۆ فیستیڤاڵی ئوروموون دەچڕێت
ماریا هه‌ورامى كەتانەو كەتانە بۆ فیستیڤاڵی ئوروموون دەچڕێت |
09:33:30/03/2013 |
 ماريا هه‌ورامى له‌كاتى گۆرانيگوتندا، فۆتۆ: ناسح عه‌لى خه‌يات. وارڤین – سلێمانی: لە چوارەم فیستیڤاڵی (ئوروموون) بۆ وێژەی ماچۆ، هونەرمەندی هونەری ماچۆ ماریا هەورامی بە چڕینی گۆرانی رەسەنی وێژەی ماچۆ (كەتانە و كەتانە) بەشداریكرد. فیستیڤاڵەكە دوێنێ هەینی (29 / ئازار – مارس / 2013) لە هۆڵی رۆشنبیری شاری سلێمانی بە ئامادەبوونی كەسایەتی و ئەدیب و شارەزایانی هونەر و وێژەی (ماچۆ) دەستیپێكرد. لەو فیستیڤاڵەدا، كچە هونەرمەندی دەركەوتووی ناوچەكە (ماریا هەورامی)، هاوڕێ لەگەڵ تیپی موزیكی مەڵبەندی رۆشنبیری هەورامان گۆرانیەكی پێشكەش ئامادەبووان كرد. (ماریا هەورامی)، وەك پێشتر بۆ ماڵپەڕی (وارڤین) رایگەیاندبوو، ئەو كار لەسەر هونەری رەسەنی وێژەی (ماچۆ)، بەتایبەتی (هەورامی) دەكات. فیستیڤاڵی ساڵانەی وێژەی ماچۆ، لە لایەن مەڵبەندی رۆشنبیری هەورامانەوە ساز دەكرێت و دوێنێ دەستی بەكارەكانی كرد و دوای پێشكەشكردنی ژمارەیەك لێكۆڵینەوە، بڕیارە سبەی یەكشەممە (31 / ئازار – مارس / 2013) كۆتایی بە كارەكانی بهێنێت. ئەمساڵ فیستیڤاڵەكه لە ژێر دروشمی (رۆشنبیری ماچۆ گەنجینەیەكی مەعریفی گەورەیە با ژیرانە دەروازەكانی واڵا بكەین) بەڕێوەدەچێـت. |
ليست هناك تعليقات:
إرسال تعليق